Business Thailand

Posts

Showing posts with the label អចលនទ្រព្យ

អ្នកជំនាញឃើញចំណុច២ ឲ្យវិស័យអចលនវត្ថុជាប់គាំងរយៈពេល១០ឆ្នាំទៀត

December 18, 2017

លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានសម្លឹងឃើញចំណុចមួយចំនួនដែលអាចប៉ះពាល់ដល់វិស័យអចលនទ្រព្យនៅកម្ពុជា ប្រសិនបើមិនបានកំណត់លើការបែងចែកតំបន់សាងសង់ច្បាស់លាស់ និងហេដ្ឋារចនាសម្ពន្ធ។ -ការមិនបែងចែកតំបន់នីមួយៗឲ្យច្បាស់លាស់ ៖ បើមិនបានកំណត់តំបន់មួយថាគួរអនុញ្ញាតអ្វី ហាមឃាត់អ្វី វាអាចប៉ះពាល់ដល់តម្លៃដីធ្លី និងបង្អាក់វិនិយោគិនបរទេសផងដែរ។ រាជរដ្ឋាភិបាលគួរកំណត់តំបន់ឲ្យបានច្បាស់លាស់ថា គួរអនុញ្ញាតឲ្យសាងសង់អ្វី និងហាមឃាត់អ្វី។ បច្ចុប្បន្ននៅភ្នំពេញ មានការសាងសង់ច្របូកច្របល់គ្នា មិនច្បាស់លាស់ដូចជាតំបន់មួយចំនួនសង់រោងចក្រក៏បាន សង់ផ្ទះ ឬវីឡាក៏បាន។ ជាហេតុធ្វើឲ្យបង្កភាពស្មុគស្មាញដល់តម្លៃដីធ្លីនៅទីនោះ។ ឧ៖ តំបន់បឹងកេងកង ជាតំបន់ដីធ្លីពាណិជ្ជកម្មដែលមានតម្លៃថ្លៃ តែបើមានរោងចក្រទៅបោះទីតាំងនៅទីនោះ វាធ្វើឲ្យខូចសោភណភាពនិងហាងឆេងដីធ្លី ប៉ះពាល់ទៅតាមនោះដែរ។ ដូច្នេះអ្នកវិនិយោគិនមួយចំនួនគេនឹងពិបាកពិចារណា...

វិស័យអចលនទ្រព្យកម្ពុជា គួរសិក្សាតាមអាមេរិក ៣ចំណុច

December 18, 2017

បន្ទាប់ពីចូលរួមកិច្ចប្រជុំប្រចាំឆ្នាំរបស់ National Association of Realtors (NAR) ដែលមានអ្នកចូលរួមជាង២ម៉ឺននាក់ មកពីប្រមាណ១០០ប្រទេស ធ្វើឡើងនៅសហរដ្ឋអាមេរិក លោកឧកញ៉ា ចេង ខេង អនុប្រធានក្រុមប្រឹក្សាសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានសង្កេតឃើញ ៣ចំណុច ដែលកម្ពុជាគួរសិក្សាតាមមហាអំណាចអាមេរិក នោះគឺ សេវាកម្មដែលមានស្តង់ដារ កត្តាប្លង់មេ និងស្ថិរភាពនយោបាយ&ការអនុវត្តច្បាប់។ លោកបានលើកឡើងបែបនេះ ក្នុងកិច្ចប្រជុំរបស់សមាគម CVEA នៅសណ្ឋាគារកាបូឌីយ៉ាណា កាលពីថ្ងៃសៅរ៍កន្លងទៅ។ ៣ចំណុចដែលលោកឧកញ៉ា ចេង ខេង លើកឡើងមាន៖ ១. សេវាកម្មដែលមានស្តង់ដារ៖ លោកឧកញ៉ា ចេង ខេង បាននិយាយថា ការបម្រើសេវាកម្មដោយអ្នកមានវិជ្ជាជីវៈច្បាស់លាស់ដើម្បីធានាបាននូវសុវត្ថិភាព នឹងធ្វើឲ្យអ្នកវិនិយោគកាន់តែមានទំនុកចិត្ត។ ប្រសិទ្ធភាពការងារ និងភាពសុចរិតទៀងត្រង់ ត្រូវមានការចូលរួមទាំងរដ្ឋ និងឯកជន ជាពិសេសគឺក្រសួងរៀបចំដែនដីនគរោបនីយកម្មនិងសំណង់ ក្រសួងសេដ្ឋកិច្ច និងហិរញ្ញវត្ថុ និងក្រុមហ៊ុនអចលនទ្រព្យឯកជនទាំ...

ប្ដីប្រពន្ធមានប្រាក់ខែ ៥០០ឡើង ចង់បង់រំលស់ផ្ទះ ត្រូវដឹងអ្វីខ្លះ?

December 18, 2017

លិខិតបញ្ជាក់ប្រាក់ចំណូលឲ្យបានច្បាស់លាស់ ប័ណ្ណមូលដ្ឋាន ដូចជា អត្តសញ្ញាណប័ណ្ណ សៀវភៅគ្រួសារ លិខិតបញ្ជាក់ទីកន្លែងស្នាក់នៅ អ្នកធានា លទ្ធភាពនៃការទូទាត់សងមកធនាគារ តម្រូវការលំនៅឋានសម្រាប់ប្រជាជនពេញកម្លាំងនៅកម្ពុជា បានកើនឡើងជាលំដាប់ ខណៈដែលលំនៅឋាននៅទីប្រជុំជនហាក់មានតម្លៃខ្ពស់ ហួសពីសមត្ថភាពរបស់បុគ្គលិកធ្វើការនៅក្នុងក្រុមហ៊ុនអាចមានលទ្ធភាពទិញបាន។ យ៉ាងណាមិញ តាមប្រសាសន៍អ្នកជំនាញអចលទ្រព្យបានអះអាងថា ប្រជាជនខ្មែរភាគច្រើន មិនមានលទ្ធភាពទិញផ្ទះដោយប្រើលុយទាំងដុលបានទេ ហេតុនេះ ជម្រើសដែលល្អបំផុតសម្រាប់ពួកគាត់ គឺការទិញដោយបង់រំលស់។ លោក ច្រឹក សុខនីម អគ្គនាយកក្រុមហ៊ុន Century 21 Mekong បានណែនាំពីតិចនិកទិញផ្ទះ សម្រាប់ប្ដីប្រពន្ធមានប្រាក់ខែ ៥០០ដុល្លារឡើង។ លោកថា៖ «គ្រប់ស្ថាប័នធនាគារនៅកម្ពុជានាពេលបច្ចុប្បន្នបានបង្កើតកម្ចីឥណទានសម្រាប់ទិញផ្ទះ ដល់គ្រួសារថ្មីថ្មោង ដូច្នេះ បើគូសា្វមី ភរិយា ក្នុងម្នាក់មានប្រាក់ចំណូលជាប្រចាំចាប់ពី ៥០០ដុល្លារ សរុបចូលគ្នាប្រមាណ ១ពាន់ដុល្លារឡើង មានន័យថាគាត់អាចលទ្ធភាពក្នុងការស...

ប្រាក់ខែត្រឹម៣០០ ឬ៤០០ដុល្លារមិនងាយមានទេ តែបើអ្នកធ្វើភ្នាក់ងារលក់អចលនទ្រព្យផ្នែកដីធ្លីត្រូវមួយក្ឌាំង អាចធ្វើជាអ្នកមានតែម្ដង។

December 18, 2017

លោក គីម ហ៊ាង ប្រធានសមាគមវាយតម្លៃ និងភ្នាក់ងារអចលនទ្រព្យកម្ពុជា បានលើកឡើងនៅក្នុងសិក្ខាសាលាស្ដីពីភាពជោគជ័យ របស់ភ្នាក់ងារអចលនទ្រព្យថា យុវជនជារួមប្រាក់ខែត្រឹម ៣០០ ឬ៤០០ដុល្លារ ហើយក្នុងមួយឆ្នាំអាចរកលុយបានតែ ៣០០០ ឬ៤០០០ដុល្លារប៉ុណ្ណោះ។ ប៉ុន្តែប្រសិនបើធ្វើជាភ្នាក់ងារលក់អចលនទ្រព្យផ្នែកដីធ្លីត្រូវមួយក្ឌាំង អាចធ្វើជាអ្នកមានតែម្ដង។ លោក គីម ហ៊ាង លើកឡើងបែបនេះបន្ទាប់ពីមានយុវជនជាច្រើន ចាប់ផ្ដើមងាកមកចាប់អារម្មណ៍ខ្លាំងលើផ្នែកដីធ្លី។ ក្នុងនោះលោកបានលើកឡើងថា បើលក់ផ្ទះមួយតម្លៃ២០ម៉ឺនដុល្លារ ដូច្នេះប្រាក់កម្រៃជើងសារគឺ ៦០០០ពាន់ដុល្លារ។ ដូច្នេះយុវជនធ្វើការប្រាក់ខែ ៣០០ ឬ៤០០ដុល្លារ ក្នុង១ឆ្នាំបានត្រឹមតែ ៣០០០ឬ៤០០០ដុល្លារទេ។ តែបើធ្វើភ្នាក់ងារអចលនទ្រព្យលក់ផ្ទះម្ដងតម្លៃ ២០ម៉ឺនដុល្លារគឺស្មើនឹងប្រាក់ខែមួយឆ្នាំ។ យ៉ាងណាក្ដី ប្រធានសមាគមវាយតម្លៃ និងភ្នាក់ងារអចលនទ្រព្យកម្ពុជា បាននិយាយថា៖ "ក្នុងចំណោមភ្នាក់ងារលក់១០០នាក់ ក្នុងនោះ៩៨នាក់នឹងបរាជ័យ ១នាក់បានត្រឹមមួយរស់ ន...

អ្នកមានលុយទិញដីឡូត៍ គួរចំណាយពេលដឹងពីបញ្ហាដែលតែងតែកើតឡើង

December 18, 2017

ចរាចរដីឡូត៍ពុះលក់ កំពុងតែបង្កើនល្បឿនជុំវិញទីក្រុងភ្នំពេញ ខណៈច្បាប់គ្រប់គ្រងអ្នកលក់ដីឡូត៍ទាំងនោះ មិនទាន់មាននៅឡើយនៅកម្ពុជា។ ជាមួយគ្នានេះ លោក វ៉ា វីរៈ អ្នកជំនាញក្នុងវិស័យអចលនទ្រព្យ បានប្រាប់ Sabay ក្នុងបទសម្ភាសផ្ទាល់ថា បច្ចុប្បន្នដីឡូត៍ពុះលក់ កំពុងផ្ទុះឡើងស្ទើរប្រហាក់ប្រហែលគ្នានៅតំបន់ក្បែរៗរាជធានីភ្នំពេញ។ លោកថាតំបន់ដែលពុះកញ្រ្ចោលខ្លាំង ភាគច្រើននៅប៉ែកខាងជើង ខាងទំនប់កប់ស្រូវ ភ្នំពេញថ្មី និងតំបន់ប៉ែកខាងត្បូង ដូចជានៅខាងខណ្ឌដង្កោ ផ្លូវវែងស្រេងជាដើម។ លោក វីរៈ បានរៀបរាប់ថា ជារឿយៗ អ្នកដែលទិញដីឡូត៍ មិនសូវបានស្វែងយល់ស៊ីជម្រៅ ថាតើតំបន់ដីនោះនឹងមានការអភិវឌ្ឍន៍ក្នុងពេលបច្ចុប្បន្ន និងអនាគតកម្រិតណានោះទេ។ មួយវិញទៀតនោះ ពាក់ព័ន្ធផ្លូវច្បាប់ អ្នកទិញក៏មិនទាន់ច្បាស់ថាខ្លួនមានសិទ្ធិកម្រិតណា ក្នុងការធ្វើជាម្ចាស់កម្មសិទ្ធិផងដែរ។ ទន្ទឹមគ្នានេះ អ្នកនាញបនេះបានផ្ដល់ដំបូន្មានថា៖ " មុននឹងសម្រេចចិត្តថាទិញដីនៅតំបន់ណាមួយ គួរសាកសួរ និងសិក្ស...

វិធីសាស្ត្រចាយលុយពេលនៅផ្ទះជួល មិនយូរទេសន្សំលុយទិញផ្ទះបាននៅ

December 18, 2017

មានផ្ទះសមរម្យរស់នៅផ្ទាល់ខ្លួន ដោយមិនមែននៅផ្ទះជួល គឺជាគោលដៅសំខាន់បំផុតក្នុងជីវិតមនុស្សម្នាក់ៗ។ ដូច្នេះប្រសិនបើកំពុងនៅផ្ទះជួលនៅឡើយ តើគួរធ្វើដូចម្ដេចទើបឆាប់មានលទ្ធភាព ទិញផ្ទះស្នាក់នៅ? ខាងក្រោមនេះជាការចែករំលែកពីបទពិសោធន៍ល្អៗ ពីអ្នកធ្លាប់ឆ្លងកាត់ការរស់នៅផ្ទះជួលរហូតមានលទ្ធភាពអាចទិញផ្ទះរស់នៅបាន៖ ១. មិនបាច់សង្វាតផ្ទះធំតម្លៃថ្លៃពេកទេ លោក ប្រាក់ ច័ន្ទរតនា ធ្លាប់នៅផ្ទះជួលរហូតសន្សំលុយទិញផ្ទះស្នាក់នៅសមរម្យមួយ លើកឡើងថា ប្រសិនបើត្រឹមជួលផ្ទះស្នាក់នៅ មិនចាំបាច់សង្វាតផ្ទះធំ និងតម្លៃថ្លៃពេកនោះទេ។ លោករតនា ប្រាប់ថា អាចរកបន្ទប់ស្នាក់នៅតូចមួយតម្លៃត្រឹម ៤០ដុល្លារ ឫ៥០ដុល្លារ បានហើយទោះអាចនៅឆ្ងាយបន្តិច ប៉ុន្តែអាចកាត់បន្ថយការចំណាយលើការស្នាក់នៅច្រើន។ ដូច្នេះលុយដែលសល់ពីការបង់ថ្លៃស្នាក់នៅអាចទុកសន្សំទោះតិច ឬច្រើនក្ដី។ លោកនិយាយថា អ្នកខ្លះខំធ្វើការរកលុយយ៉ាងលំបាក តែត្រូវមកចំណាយថ្លៃផ្ទះអស់ច្រើនទៅវិញ។ វិធីសាស្ត្រល្អ មួយទៀតគឺអាចស្នាក់នៅជាមួយមិត្តភក...

រដ្ឋមន្ត្រីក្រសួងដែនដី ផ្តល់អនុសាសន៍ខ្លះៗ ទាក់ទងនឹងការទិញអចលនទ្រព្យ សម្រាប់អ្នកចំណូលទាប

December 18, 2017

ការរកស៊ីក្នុងវិស័យអចលនទ្រព្យ អាចនិយាយបានថា មិនមែនជាការងាយស្រួលប៉ុន្មានទេ ប្រសិនបើលោកអ្នកមិនធ្លាប់ឆ្លងកាត់បទពិសោធន៍ទិញលក់ក្នុងវិស័យនេះ។ ជាមួយគ្នានេះ រដ្ឋមន្ត្រីក្រសួងដែនដី ឯកឧត្តម ជា សុផារ៉ា ក៏បានអំពាវនាវឲ្យប្រជាពលរដ្ឋមានការប្រុងប្រយ័ត្នចំពោះរបរនេះផងដែរ។ ប៉ុន្តែទន្ទឹមនឹងនោះ លោករដ្ឋមន្ត្រីដដែលក៏បានប្រាប់គន្លឹះខ្លះៗ សម្រាប់អ្នកមានចំណូលទាប និងខ្ពស់ទុកជាដំបូន្មានក្នុងការចាប់ផ្ដើមទិញផ្ទះ ឬដី ដើម្បីបង្កើតលុយឲ្យកើនវិញដែរ។ ក្នុងនាមជារដ្ឋមន្ត្រីក្រសួងដែនដី ឯកឧត្តមបានថ្លែង ក្នុងពិធីសម្ពោធគម្រោងលំនៅដ្ឋានតម្លៃសមរម្យ កាលពីពេលថ្មីៗនេះ ដោយបានណែនាំប្រជាពលរដ្ឋ អ្នកមានចំណូលទាបថាៈ «បើចង់មាន មានតែទិញដីទេ»។ ឯកឧត្តមពន្យល់ថា សម្រាប់គ្រួសារដែលមានចំណូលទាប បើមិនមានលទ្ធភាពទេ គួរកុំទិញផ្ទះ តែត្រូវទិញដី ប៉ុន្តែគួរសម្លឹងរកដីនៅតំបន់ណាដែលមានទីតាំងល្អ ហើយមានការដឹងឭពីក្រសួង ឬអាជ្ញាធរពាក់ព័ន្ធ។ ឯកឧត្តមបញ្ជាក់ថាៈ «ដីកើតមិនងាយទេ តែមនុស្សងាយនឹងកើត... ថ្ងៃក្រោយដីនេះឡើងថ្លៃ...

ទិញដីឡូត៍ប្រភេទណា ទើបមិនព្រួយរឿងចាញ់បោកគេ?

December 18, 2017

ដីឡូត៍ បច្ចុប្បន្ននេះមានក្រុមហ៊ុនជាច្រើនពុះដីឡូត៍លក់ព្រោងព្រាតក្នុងតម្លៃថោកៗ តែអាចប្រឈមមុខនឹងហានិភ័យច្រើន។ ក្នុងនោះអ្នកជំនាញផ្នែកអចលនទ្រព្យជាច្រើនក៏បានលើកឡើងដែរថា ប្រសិនបើប្រជាពលរដ្ឋចង់ទិញដីឡូត៍នៅកន្លែងណាមួយត្រូវសិក្សាឱ្យបានច្បាស់លាស់ ទាំងទីតាំងក្ដី ផ្នែកផ្លូវច្បាប់ក្ដី។ ដូច្នេះតើគួរធ្វើដូចម្ដេចទើបមិនព្រួយរឿងចាញ់បោកគេ? បើតាមការលើកឡើងរបស់លោក Kiran Kumar Reddy អគ្គនាយកក្រុមហ៊ុន STAR5 ផ្នែកអចលនទ្រព្យដ៏ធំមួយក្នុងប្រទេសកម្ពុជា បានឱ្យដឹងថា មុនសម្រេចចិត្តទិញដីឡូត៍នៅកន្លែងណាមួយចំណុចសំខាន់ៗត្រូវសិក្សារួមមាន៖ តើដីនោះស្ថិតនៅក្នុងតំបន់អភិវឌ្ឍឫទេ? ទៅថ្ងៃអនាគតតើអាចទទួលផលប្រយោជន៍អ្វីខ្លះពីដីនៅតំបន់នោះ? តើដីឡូត៍ទាំងនោះ មានច្បាប់អនុញ្ញាតត្រឹមត្រូវ និងមានប្លង់រឹងដែរឫទេ? ជាពិសេសនោះត្រូវសិក្សាពីប្រព័ន្ធលូបង្ហូរទឹក ការតភ្ជាប់បណ្ដាញទឹកភ្លើងជាដើម។ ចំណុចសំខាន់មួយទៀតគឺត្រូវទិញដីដែលមានក្រុមហ៊ុនច្បាស់លាស់ មានអាជ្ញាប័ណ្ណត្រឹមត្រូវ ដើម្បីបញ្ចៀសពី...

៧របៀប ក្បួនទិញផ្ទះនាំសំណាងតាមជំនឿចិន មិនចំណាយលុយច្រើន

December 18, 2017

ក្នុងការជ្រើសរើសផ្ទះ សម្រាប់ស្នាក់អាស្រ័យមានមនុស្សមួយចំនួន តែងប្រកាន់នូវជំនឿផ្សេងៗ ទាំងតាមជំនឿពីបុរាណ និងជំនឿតាមក្បួនហុងស៊ុយ ហើយពេលនេះ Sabay សូមនាំមកជូនមិត្តអ្នកអាន ស្វែងយល់អំពីជំនឿក្នុងការទិញផ្ទះ ដើម្បីឱ្យរស់នៅបាន ត្រជាក់ត្រជុំ មានសេចក្តីសុខ។ សម្រាប់ជនជាតិអាស៊ី និយមជ្រើសទិញផ្ទះបែរមុខទៅទិសខាងជើង ខាងត្បូង ឬខាងកើត។ សម្រាប់ជនជាតិលោកខាងលិច ឬអឺរ៉ុប និយមជ្រើសទិញផ្ទះបែរមុខទៅទិសពាយ័ព្យ ទិសនិរតី ឬទិសឦសាន។ យ៉ាងណាមិញ សូមអានការបកស្រាយលម្អិតដូចខាងក្រោមនេះ៖ ១. ពុំគួរទិញផ្ទះមានរូបរាងប្លែកពេក ក្នុងការជ្រើសរើសទិញផ្ទះ គេមានជំនឿថាគួរជ្រើសរើសទិញផ្ទះណាដែលមានទ្រង់ទ្រាយសមស្រប អាចជារាង៤ជ្រុងស្មើ ឬ ៤ជ្រុងទ្រវែង។ ពុំគួរទិញផ្ទះដែលមានរូបរាងប្លែកពេកនោះទេ ព្រោះអាចនឹងបាត់មុំ ឬជ្រុងណាមួយនៃផ្ទះដែលធ្វើឱ្យក្រុមគ្រួសារខាត លាភសំណាង នៅផ្នែកណាមួយ។ ឧទាហរណ៏ ផ្ទះដែលផត ឬគ្មានមុំ ឬជ្រុងទិសខាងលិច ធ្វើឱ្យគូស្វាមីភរិយាពិបាកមានបុត្រជាដើម។ ២. ពិនិត្យបរិវេណផ្ទះ និងធ្វើការសង្កេតឲ្យល្អិនល្អ...

ហេតុផល5យ៉ាងគួរវិនិយោគក្នុងវិស័យអចលនទ្រព្យ

December 18, 2017

វិនិយោគក្នុងរូបភាពណាល្អ ? ទោះជាមានការឆ្លើយតបល្អជាងក្តី យើងជឿជាក់ថា ការវិនិយោគក្នុងវិស័យអចលនទ្រព្យ ជារឿងដែលអាចបំពេញតម្លៃបានខ្ពស់ និងមិនចាញ់ការវិនិយោគក្នុងវិស័យផ្សេងៗទេ ។ តើអចលនទ្រព្យល្អដូចម្តេចខ្លះ ហេតុអ្វីក៏ចាំបាច់វិនិយោគក្នុងផ្នែកនេះ ។ ១-ជាទ្រព្យដែលបំពេញតម្លៃជារឿយៗ ៖ ចំណុចខ្លាំងរបស់អចលនទ្រព្យ គឺជាទ្រព្យសម្បត្តិដែលអាចបំពេញតម្លៃខ្ពស់ឡើងស្ទើរជារៀងរាល់ឆ្នាំ ហើយតម្លៃមិនជាធ្លាក់ចុះប៉ុន្មានទេ ។ ប៉ុន្តែអាចនឹងមានពេលវេលាច្រើនជាង៥ឆ្នាំ ទើបអាចឃើញបានច្បាស់ ជាពិសេស អចលនទ្រព្យស្ថិតក្នុងទីតាំងល្អ មានសក្តានុពល នឹងកាន់តែបង្កើតតម្លៃបានខ្ពស់ ។ ប៉ុន្តែការកើនឡើងនៃតម្លៃអចលនទ្រព្យ គឺអាស្រ័យលើកត្តាបរិស្ថានផ្សេងៗ ទាំងមជ្ឈដ្ឋាននៃការអភិវឌ្ឍទីតាំងនោះ នាពេលអនាគតផង ដែរ ។ មុននឹងសម្រេចចិត្តទិញ អ្នកគួរពិចារណាឱ្យល្អថា ទីតាំងនេះមានសក្តានុពលនាពេលអនាគតឬអត់ ។ ២-ផលត្រឡប់មកវិញខ្ពស់ជាងអតិផរ-ណា ៖ ការវិនិយោគក្នុងផ្នែកអចលនទ្រព្យ ជាការវិនិយោគដែលបានផលត្រឡប់មកវិញខ្...

ក្លាហាន ប្រថុយប្រថាន ភា្ជប់នឹងភាពឆ្លាតវៃរុញច្រានត្រាំ ក្លាយជាសេដ្ឋីអចលទ្រព្យប្រទេសយក្សទី១លើពិភពលោក

December 12, 2017

បុគ្គលដែលហ៊ានប្រថុយប្រថាន ទំាងឆ្លាតវៃ ធ្វើទៅលើរឿងល្អៗ បូករួមទំាងភាពក្លាហានទៀតនោះ កត្តាជោគជ័យមានច្រើន ជាងបរាជ័យ បើទោះបីបុគ្គលជោគជ័យមានមិនច្រើនក៏ដោយចុះ។ ដោឡែក ប្រធានាធិបតីលោក Donald Trump វិញ ជាមនុស្សក្លាហាន ហ៊ានប្រថុយលើរឿងដែលបុគ្គលទូទៅយល់យ៉ាងច្បាស់ថា ជារឿងឆ្កួតៗ និងជារឿងមិនអាចធ្វើទៅបាន។ លោក Donald Trump ត្រូវបានគេចាត់ទុកថា ជាមនុស្សនិយាយត្រង់ៗ មិនសូវលាក់ប៉ុន្មាននោះទេ អាចជាចំណុចនេះហើយ ដែលមនុស្សហាក់ពិបាកទុកចិត្តរបស់គាត់។ តែលក្ខណៈពិសេសរបស់លោក នេះហើយ សាកសមបំផុតដើម្បីក្លាយជាសេដ្ឋីអចលនទ្រព្យយ៉ាងសាកសមបំផុត ក៏ព្រោះតែលោកជាបុគ្គលក្លាហាន ហ៊ានប្រថុយប្រថាន និងឆ្លាតវៃ។ ជាការពិតណាស់ បុគ្គលជោគជ័យក្នុងវិស័យអចលនទ្រព្យ មិនមែនជាបុគ្គលស្ទាក់ស្ទើរ ខ្លាចមុនក្រោយហួសហេតុពេកទេ។ លោកជាមនុស្សគិតអ្វី ធ្វើនឹង ឃើញយ៉ាងម្តេច គឺនិយាយបែបនិង។ មិនសូវខ្លាចញញើតនរណាម្នាក់នោះទេ បើទោះបីជាមនុស្សមានឥទ្ធិពលបែបណាក្តី មានទំាងក្រុមការងារ និងគ្រួសារជាដើម។ តែលោកធ្វើបែបនេះ មានហេតុផលរបស់ខ្លួន ព្រោះលោកកម្រនិងលុបចោលគម្រោងការរបស់ខ្លួនណាស់ ដោយសារមុននឹងលោកយកគម្រោងណាមួយនោះមកអនុវត្ត លោកបានគិតល្អិតល្អន់ ច្បាស់លាស់ណាស់។ ជាក់ស្តែង ល...

នៅឆ្នាំ២០១៨គួរវិនិយោគអចលនទ្រព្យអ្វី?

December 11, 2017

កម្ពុជា នាពេលប្ចុប្បន្ន កាន់តែមានសក្តានុពលលើវិស័យអចលនទ្រព្យ ខណៈមួយរយៈចុងក្រោយនេះយើងសង្កេតឃើញថា កាន់តែមានសន្ទុះខ្លាំងឡើងៗឥតឈប់ឈរជាពិសេស មានការបណ្តាក់ទុនជាច្រើនពាក់ព័ន្ធទៅនឹងវិស័យដីធ្លីផងដែរ។ លោកឧកញ៉ា នួន រិទ្ធី បានមានប្រសាសន៍ប្រាប់ពាណិជ្ជកម្មកម្ពុជា ទោះយ៉ាងណាអចលនទ្រព្យតែងមានការប្រែប្រួលជានិច្ច ដូចនេះមុនសម្រេចចិត្តវិនិយោគផ្នែកណាមួយក្នុងវិស័យនេះ អ្នកត្រូវសិក្សាស្វែងយល់ឲ្យច្បាស់លាស់ជាមុនសិន។ តើលោកអ្នកគួរវិនិយោគលើផ្នែកមួយណា ក្នុងវិស័យអចលនទ្រព្យនាពេលបច្ចុប្បន្ន និងមួយឆ្នាំខាងមុខទៀតពោលគឺឆ្នាំ២០១៨? លោកឧញ៉ា នួន រិទ្ធី បានមានប្រសសន៍ថា “ សម្រាប់អ្នកទិញដើម្បីវិនិយោគ ដែលមានកម្រិតមធ្យម និងក្រោមមធ្យម នៅពេលទិញត្រូវគិតលើទីតាំង តម្លៃ និងពេលវេលាដែលគួរវិនិយោគទៅ តាមលទ្ធភាព។ លោកឧកញ៉ាបានបញ្ជាក់យ៉ាងដូច្នេះថា ការវិនិយោគលើអចលនទ្រព្យកាលៈទេសៈណាក៏ជាឱកាសដែរ ឲ្យតែវិនិយោគចំទីតាំងល្អ និងតម្លៃថោក។ យ៉ាងណាមិញ សម្រាប់អ្នកទិញផ្ទះដើម្បីរស់នៅ គួរទិញនៅពេលបច្ចុប្ប្ននេះ ដោយសារតែលោកមើលឃើញថា អ្នកផ្គត់ផ្គង់ផ្តល់លក្ខណពិសេសច្រើនសម្រាប់អ្នកទិញ ពោលគឺមានតម្លៃសមរម្យ និងឱកាសផ្តល់កម្ចីរហូតដល់ ៧០ % ។ បន្ថែមពីនេះ សម្រាប់...

ស្វែងយល់ពីដំណើរការនៃការផ្ទេរប្លង់កម្មសិទ្ធិដីធ្លី (ភាគ២)

December 11, 2017

ភ្នំពេញៈ បន្ទាប់ពីបានស្វែងយល់ភាគទី១ ចំពោះដំណើរការនៃការផ្ទេរប្លង់កម្មសិទ្ធិដីធ្លីចំនួន៤ ចំណុចរួចមកថ្ងៃនេះ ពាណិជ្ជកម្មកម្ពុជា នឹងលើកយក ចំណុចចុងក្រោយបីទៀត ពីអ្នកជំនាញអចលនទ្រព្យនៅ Realestate.com.kh ដើម្បីទុកជាចំណេះដឹងខ្លះៗចំពោះការផ្ទេរប្លង់កម្មសិទ្ធិដីធ្លីនេះ។ ចំពោះ បីចំណុចចុងក្រោយនេះ ក្រុមអ្នកជំនាញនៅ Realestate.com.kh នឹងផ្តល់ឲ្យលោកអ្នកនូវការណែនាំច្បាស់លាស់អំពីកាតព្វកិច្ចពន្ធ ការទទួលខុសត្រូវរបស់រដ្ឋ និងរយៈពេល ដើម្បីបញ្ចប់ ដំណើរការផ្ទេរប្លង់កម្មសិទ្ធិ។ ជំហានទី ៥.បង់ពន្ធលើការផ្ទេរកម្មសិទ្ធិ: ពន្ធលើការផ្ទេរប្លង់កម្មសិទ្ធិ គឺ ៤ភាគរយ នៃតម្លៃអចលនទ្រព្យសរុប ដែលត្រូវបានបង់ទៅក្រសួងសេដ្ឋកិច្ច និងហិរញ្ញវត្ថុ នៅអគ្គនាយកដ្ឋានពន្ធដារ។ បន្ទាប់មកវិក័យប័ត្រត្រូវបាន ចេញជូន ដើម្បីបញ្ជាក់ថា ពន្ធនៃការផ្ទេរ អចលនទ្រព្យត្រូវបានបង់រួចរាល់។ ទោះជាយ៉ាងណានៅភ្នំពេញ ពន្ធនេះមិនត្រូវបានកំណត់ដោយផ្អែកលើតម្លៃជាក់ស្តែងនៃអចលនទ្រព្យនោះទេ ប៉ុន្តែត្រូវកំណត់តាមតារាងតម្លៃអចលនទ្រព្យដែលកំណត់ដោយសាលារាជធានីភ្នំពេញ ។ ការវាយតម្លៃដែលធ្វើឡើងដោយសាលារាជធានីភ្នំពេញផ្អែកលើកត្តានានាដូច...

ស្វែងយល់ពីដំណើរការនៃការផ្ទេរប្លង់កម្មសិទ្ធិដីធ្លី (ភាគ១)

December 11, 2017

ភ្នំពេញៈ ពេលទិញអចលនទ្រព្យ ឬដីធ្លី គឺមានសារៈសំខាន់ ក្នុងការទទួល បានភាព ជាម្ចាស់កម្ម សិទ្ធិស្របច្បាប់ ដើម្បីធានាថា អចលនទ្រព្យនោះ មានសុវត្ថិភាព អ្នក ត្រូវ ស្វែងរក ការប្រឹក្សាជា មួយភ្នាក់ងារអចលនទ្រព្យ ក៏ដូចជាអ្នកដែលពាក់ព័ន្ធផ្សេងៗទៀត។ សប្តាហ៍នេះ យើងនឹងស្វែងយល់ពីជំហានចាំបាច់ចំនួន៤ដំបូង ពីអ្នក ជំនាញ មក ពី Realestate. com. kh ចំពោះការផ្ទេរកម្មសិទ្ធិដីធ្លីនៅក្នុងប្រទេសកម្ពុជា។ ជំហានទី ១៖ ផ្ទៀងផ្ទាត់វិញ្ញាបនប័ត្រជាមួយការិយាល័យសុរិយោដីពាក់ព័ន្ធ ដំបូងអ្នកទិញត្រូវផ្ទៀងផ្ទាត់បណ្ណកម្មសិទ្ធិដីធ្លីជាមួយការិយាល័យសុរិយោដីនៅក្រសួងរៀបចំដែនដីនគរូបនីយកម្មនិងសំណង់ដើម្បីពិនិត្យមើលបំណុលឬផ្ទៀងផ្ទាត់បណ្ណកម្មសិទ្ធិដំណើរការនេះគឺតម្រូវត្រូវតែមានឯកសារដូចខាងក្រោម៖ អ្នកទិញទទួលបានវិញ្ញាបនបត្រកម្មសិទ្ធិដំបូងពីអ្នកលក់ដើម្បីផ្ទៀងផ្ទាត់ភាពជាម្ចាស់ពិតប្រាកដ អ្នកទិញនឹងផ្ទៀងផ្ទាត់វិញ្ញាបនបត្រកម្មសិទ្ធិជាមួយការិយាល័យសុរិយោដីនៅក្រសួងរៀបចំ ដែន ដី នគ រូបនីយកម្មនិងសំណង់ ការិយាល័យសុរិយោដីនឹងជូនដំណឹងដល់អ្នកទិញប្រសិនបើអចលនទ្រព្យនេះជាប់បំណុល (វត្ថុបញ្ចាំ) ឬជាប់ បណ្តឹងផ្សេងៗ។ ស្ថាប័នរដ្ឋដែលពាក់ព័ន្ធ៖ ការិយាល័យសុរិយោដី នៅក្រស...

ឯកឧត្តម ជា សុផារ៉ា៖ បើចង់មានត្រូវទិញដី តែកុំទិញផ្ទះ

December 11, 2017

ការវិនិយោគក្នុងវិស័យអចលនទ្រព្យ គឺជាការវិនិយោគ ដែលមិនខាតនោះទេ ទោះជាអចលនទ្រព្យព្រភេទណាក៏ដោយ។ ជាក់ស្តែង បើអ្នកវិនិយោគ លើ ផ្ទះ ខុនដូរ អ្នកអាចដាក់ជួល ឬសម្រាប់រស់នៅបាន ចំណែកដីទុកយូរឡើងថ្លៃ អាចលក់ចំណេញច្រើន។ ថ្លែងនៅក្នុងកម្មវិធី បញ្ចុះបឋមសិលាសាងសង់លំនៅឋានសមរម្យរបស់ក្រុមហ៊ុន Arakawaកាលពីពេលថ្មីៗនេះ ឯកឧត្តម ជាសុផារ៉ា បានលើកឡើងថា “ បើសិនអត់សូវមានលុយទេ កុំទិញផ្ទះ គួរតែងាកមកទិញដីវិញ បើសិនជាចង់មាន។ ” ឯកឧត្តម បានបន្ថែមថា៖ «បើអត់លុយ កុំទិញផ្ទះ អត់លុយត្រូវតែទិញដី អ្នកអ្នកចង់មាន មានតែទិញដីទេ។ បើអត់មានផ្ទះ ខ្ញុំថា ចងតង់ ចងស្បូវ២០ទៅ៣០កណ្តប ធ្វើចង្ក្រានបាយដេកវៀនទៅ វាក៏នៅតែគ្រាន់បើ។ ថ្ងៃក្រោយ ដីនេះឡើងថ្លៃយើងក្លាយជាអ្នកមាន។ ផ្ទុយទៅវិញ បើយើងទិញផ្ទះ អត់ប្រយោជន៍ទេ រស់នៅអន់ចុះ ប៉ុន្តែ ភ្ជាប់ជាមានការដាំដុះ ដីកើតមិនងាយទេ តែមនុស្ស ងាយនឹងកើត»។ ជាមួយគ្នានេះដែរ លោក គីម ហ៊ាង អ្នកជំនាញ ផ្នែកអចលនទ្រព្យ បានធ្លាប់មានប្រសាសន៍ប្រាប់ពាណិជ្ជកម្មកម្ពុជា ផងដែរថា ដីអាចលក់បានថ្លៃជាងផ្ទះ ប៉ុន្តែដាច់ខាតកុំខ្ចីលុយធនាគារ ដើម្បីទិញដី គួរតែទិញដីដោយប្រើលុយខ...

ឯកសារសំខាន់ៗ៥ត្រូវពិនិត្យឲ្យច្បាស់មុននឹងទិញអនលទ្រព្យ

December 11, 2017

ភ្នំពេញៈ ការទិញ ឬលក់អចលនទ្រព្យនៅកម្ពុជា បច្ចុប្បន្នកំពុងរីកកាន់តែខ្លាំងពីមួយថ្ងៃទៅមួយថ្ងៃ ដូច្នេះចំពោះការទិញ ឬលក់អចលនទ្រព្យត្រូវពិត្យឲ្យបានច្បាស់លាស់ជាមុនចំពោះឯកសារផ្លូវច្បាប់មួយចំនួន ដើម្បីបញ្ចៀសហានិភ័យនាពេលខាងមុខ។ ខាងក្រោមនេះ គឺឯកសារផ្លូវច្បាប់ដែលអ្នកទិញត្រូវតែពិនិត្យមើលឲ្យបានល្អិតល្អន់ជាមុនសិនមុននឹងសម្រេចចិត្ដទិញអចលនទ្រព្យពីគម្រោងណាមួយ៖ ១.ប្លង់រឹង៖ ត្រូវតែពិនិត្យមើលប្រភេទប័ណ្ណកម្មសិទ្ធិ ពីរប្រភេទនៅពេលអ្នកទិញផ្ទះក្នុងបុរី ដំបូងគឺប្លង់រឹងមេទាំងមូលរបស់គម្រោងដែលបានកំណត់បែងចែកដីទៅជាចំណែកផ្សេងគ្នានៅក្នុងគម្រោង។ បន្ទាប់មកគឺប្លង់រឹងដែលប័ណ្ណកម្មសិទ្ធិសម្រាប់លំនៅដ្ឋាននីមួយនៅក្នុងគម្រោង។ បន្ទាប់ពីទិញអចលនទ្រព្យអ្នកទិញអាចផ្ទេរប័ណ្ណនេះទៅជាកម្មសិទ្ធិផ្ទាល់ខ្លួន។ ប្រសិនបើការអភិវឌ្ឍបុរីស្របច្បាប់គួរតែមានលទ្ធភាពផ្តល់ជូនប្លង់រឹងដល់អ្នកទិញ។ ២.ការចុះបញ្ជីក្រុមហ៊ុន៖ កុំខ្លាចក្នុងការស្នើសុំពិនិត្យលិខិតចុះបញ្ជីក្រុមហ៊ុនពីអ្នកអភិវឌ្ឍន៍ តាមច្បាប់ក្រុមហ៊ុនអភិវឌ្ឍន៍ត្រូវចុះបញ្ជីដើម្បីទទួលបានការយល់ព្រមពីក្រសួងពាក់ព...