ទស្សនៈវិស័យលើវិស័យខុនដូ របស់ឧកញ៉ា សៀ ឬទ្ធី នាឆ្នាំ២០១៨
ជាសហគ្រិនជោគជ័យមួយរូបដែលប្រឡូកក្នុងវិស័យអចលនទ្រព្យចាស់វស្សា ឧកញ៉ា សៀ ឬទ្ធី ជាស្ថាបនិក ប្រធានក្រុមហ៊ុន World bride Group បានមានទស្សនៈវិស័យខ្លះៗលើវិស័យខុនដូនៅកម្ពុជា នៅឆ្នាំ២០១៨។
លោកបានមានប្រសាសន៍ថា វិស័យខុនដូនៅតែមានសក្តានុពលគ្រាន់តែអ្នកអភិវឌ្ឍន៍ត្រូវសិក្សាថា អ្នកណាគេជាសក្តានុពលទីផ្សាររបស់ពួកគេ។ បើយើងសិក្សាទីផ្សារមិនច្បាស់ យើងជួបបញ្ហាហើយ។ វានឹងងាប់ហើយ។
លោកបានមានប្រសាសន៍ថា វិស័យខុនដូនៅតែមានសក្តានុពលគ្រាន់តែអ្នកអភិវឌ្ឍន៍ត្រូវសិក្សាថា អ្នកណាគេជាសក្តានុពលទីផ្សាររបស់ពួកគេ។ បើយើងសិក្សាទីផ្សារមិនច្បាស់ យើងជួបបញ្ហាហើយ។ វានឹងងាប់ហើយ។
អ្នកត្រូវដឹងថា ភ្ញៀវចិនត្រូវការបែបណា ភ្ញៀវជប៉ុនត្រូវការបែបណា ភ្ញៀវសាំងហ្កាពួ ឬហុងកុងត្រូវការបែបណា? យើងត្រូវសិក្សាឲ្យច្បាស់ ប៉ុន្តែបើយើងយកអតិថិជនទាំងអស់ យើងត្រូវរៀបចំគម្រោងបែបណាដើម្បីឲ្យពួកគេទទួលបានទាំងអស់គ្នា។
លោកបានបន្ថែមថា អ្នកអភិវឌ្ឈន៍ត្រូវឆ្លាតចំណុចហ្នឹង តែបើយើងមិនឆ្លាតហើយប៉ះពាល់ខ្លួនឯង ហើយនិយាយថាទីផ្សារអចលនទ្រព្យមានបញ្ហាគឺមិនមែននោះទេ។ហើយនៅឆ្នាំ ២០១៨ មិនមានបញ្ហាអីទេ ហើយស្ថានភាពវានឹងមានភាពដូចគ្នានឹងឆ្នាំ ២០១៦ និងឆ្នាំ ២០១៧ ដែរ។
លោកបញ្ជាក់ថា ឆ្នាំ២០១៨ និន្នាការនៃការវិនិយោគក្នុងវិស័យអចលនទ្រព្យតែងមានការផ្លាស់ប្តូរ អាចមានកំណើន ទ្រឹង និងធ្លាក់ចុះ។
បើយើងមើលឆ្នាំ ២០១៨ គម្រោងមួយចំនួនបានពន្យារពេល និងគម្រោងមួយចំនួនបានបញ្ចេញទៅកាន់ទីផ្សារហើយក៏មានការសាងសង់ឡើងវិញ។ នេះជាវដ្តនៃវិស័យអចលនទ្រព្យ។
លោកបានបង្ហើបប្រាប់ផងដែរថា នេះជានិន្នាការធម្មតាក្នុងវិស័យមួយនេះគ្រាន់តែអ្នកអភិវឌ្ឍន៍ត្រូវបំប្លែងខ្លួនចេញពីខុនដូទៅធ្វើបុរី ហើយពីបុរីទៅខុនដូ អាស្រ័យលើតម្រូវការរបស់ទីផ្សារតែប៉ុណ្ណោះ។
ដោយ៖ ពេជ្រ ស្រីវណ្ណ
ព្រភព៖ www.business-cambodia.com
Comments
Post a Comment